Diabetes: Mga Isyu sa Pagmamaneho

Maglagay sa kotse ng mga supply para sa diabetes, tulad ng iyong blood glucose meter. Panatilihin itong mabilis na naaabot. Huwag ilagay ang mga ito sa likod ng upuan o sa trunk. Magdala rin ng mga meryenda at asukal na mabilis ang bisa, gaya ng mga tabletang glucose na naaabot mo sa kotse. Kung nagkaroon ka ng mga reaksyon sa mababang asukal sa dugo (hypoglycemic), itanong sa iyong tagapangalaga ang tungkol sa paggamit ng CGM (continuous glucose monitor). Maipapakita sa iyo ng CGM ang iyong asukal sa dugo bago ka magmaneho. At maging sa iyong pagmamaneho. Makatutulong ito na mapigilan ang anumang reaksyon sa hypoglycemic.

Magsuot ng ID bracelet o kuwintas na nagsasabing may diabetes ka. Tutulong ito sa isang emergency. Palaging dalhin ang iyong cell phone kapag nagmamaneho kung sakaling kailangan mong tumawag para sa tulong. 

Suriin ang iyong asukal sa dugo bago ka magsimula. Huwag magmaneho kung mas mababa ito sa iyong target na range.

Huminto para suriin ang iyong asukal sa dugo nang hindi bababa sa bawat 2 oras o kasingdalas ng ipinapayo ng iyong tagapangalaga ng kalusugan.

Huminto sa tabi at tumigil kung nakakaramdam ka ng mga sintomas ng mababang asukal sa dugo habang nagmamaneho. Suriin kaagad ang iyong asukal sa dugo:

• Kung mababa ang iyong asukal sa dugo, kumain o uminom ng 15 hanggang 20 gramo ng asukal na mabilis ang bisa. Iyon ay 3 hanggang 4 na tableta ng glucose o 4 na onsa (1/2 tasa) ng katas ng prutas o nondiet soda. Maghintayin ng 15 minuto. Pagkatapos, magsuri para malaman kung mababa pa rin ang iyong asukal sa dugo. Kung mababa ito, kumain o uminom ng 15 hanggang 20 gramo ng asukal na mabilis ang bisa. Magsuri muli sa loob ng 15 minuto. Ulitin ang prosesong ito hanggang maging normal ang iyong asukal sa dugo.

• Kapag bumalik sa normal ang iyong asukal sa dugo, kumain ng mas maraming meryenda o pagkaing may protina (kung maaari). Huwag magmaneho hanggang nasa ligtas na antas ang iyong asukal sa dugo.

• Kung hindi tumaas ang iyong asukal sa dugo, tumawag sa iyong tagapangalaga o sa 911 para makahingi agad ng tulong. Maaaring kailanganin mo ng pagturok ng glucagon para pataasin ang iyong asukal sa dugo.

Ipasuri ang iyong mga mata nang hindi bababa sa isang beses sa isang taon upang matiyak na angkop pa rin sa pagmamaneh ang iyong paningin. 

Makisakay sa isang miyembro ng pamilya o grupo ng serbisyo kung ang diabetes o iba pang mga isyu sa kalusugan ay ginagawang mahirap o hindi ligtas para sa iyo na magmaneho.

Kailangang masubaybayan ng mga propesyonal na driver ang mga pagbabago sa mga regulasyon tungkol sa pagmamaneho nang may diabetes.